விளாத்திகுளம் அருகே அயன்பொம்மையாபுரம் காலனியைச் தெருவைச் சேர்ந்த விவசாயி ஜோதிமுத்து மிக்கேல்.இவர்க்கு இரண்டு மனைவிகள் முதல் மனைவி உஷாராணி இவரது மகன் சீமான் அல்போன்சிஸ். 2-வது மனைவி மகாலட்சுமி இவரது மகன் எட்வின் .
ஜோதிமுத்து மிக்கேலின் தம்பி ரத்தினராஜ் இவர் லாரி ஓட்டுனர். இவருக்கும் அண்ணணின் 2-வது மனைவி மகாலட்சுமிக்கும் பழக்கம் இருந்துள்ளது. இதையறிந்த ஜோதி முத்து மிக்கேல் ரத்தினராஜை கண்டித்துள்ளார். இதில் இருவருக்கும் இடையே தகராறு ஏற்பட்டது.
இந்நிலையில் நேற்று காலை ரத்தினராஜ், தனது அண்ணன் மகன்களான சீமான் அல்போன்சிஸ், எட்வின் ஆகியோரை அழைத்துக் கொண்டு சென்றவர் இரவு 7 மணியாகியும், குழந்தைகள் வீடு திரும்பாததால், சந்தேகமடைந்த ஜோதிமுத்து மிக்கேல் மற்றும் உறவினர்கள் அவர்களை தேடினர். இதில் காட்டுப் பகுதியில் உள்ள கிணறு அருகே குழந்தைகளின் உடைமைகள் கிடந்தன.
உடனடியாக இதுகுறித்து விளாத்திகுளம் காவல் நிலையத்தில் புகார் அளிக்கப்பட்டது. காவல் ஆய்வாளர் பத்மநாப பிள்ளை மற்றும் போலீஸார் சம்பவ இடத்துக்கு வந்து பார்வையிட்டனர். பின்னர் ரத்தினராஜை பிடித்து விசாரித்ததில் அவர் இரண்டு குழந்தைகளையும் கிணற்றில் தள்ளி கொலை செய்தது தெரியவந்தது.விளாத்திகுளம் தீயணைப்பு நிலைய வீரர்கள் அழைக்கப்பட்டு உடல்கள் மீட்கப்பட்டது.
விளாத்திகுளம் போலீஸார் வழக்குப் பதிவு செய்து ரத்தின ராஜை கைது செய்து விசாரணை நடத்தி வருகின்றனர்.
