மதுரை தெற்கு தொகுதி அ.தி.மு.க. எம்.எல்.ஏ. எஸ்.எஸ்.சரவணன் இவருக்கு வயது 44 ஆகும். இவருக்கு உடல்நிலை பாதிக்கப்பட்டதால் அவர் கொரோனா பரிசோதனை மேற்கொண்டார். அதில் அவருக்கு கொரோனா இருப்பது உறுதியானது.
இதை தொடர்ந்து எஸ்.எஸ்.சரவணன் நேற்று காலை மதுரை அண்ணா பஸ் நிலையம் அருகே உள்ள ஒரு தனியார் ஆஸ்பத்திரியில் அனுமதிக்கப்பட்டார். அவருக்கு டாக்டர்கள் சிகிச்சை அளித்து வருகிறார்கள்.
இது குறித்து சரவணன் சமூக வலைத்தளத்தில் வெளியிட்டுள்ள பதிவு
“கொரோனா தொற்று காரணமாக, டாக்டர்களின் ஆலோசனைப்படியும், என் சுற்றத்தவர்களின் நலனை கருத்தில் கொண்டும் நானே என்னை தனிமைப்படுத்திக் கொள்கிறேன்” என்று பதிவிடப்பட்டுள்ளது.
நேற்று முன்தினம் மதுரை சோழவந்தான் தொகுதி அ.தி.மு.க. எம்.எல்.ஏ. மாணிக்கம் கொரோனாவால் பாதிக்கப்பட்டு ஆஸ்பத்திரியில் அனுமதிக்கப்பட்டார். அதை தொடர்ந்து எஸ்.எஸ்.சரவணன் எம்.எல்.ஏ.வும் பாதிக்கப்பட்டுள்ளார். அடுத்தடுத்து மதுரை மாவட்டத்தில் எம்.எல்.ஏ.க்கள் இருவருக்கு கொரோனா உறுதி செய்யப்பட்டதால், அவர்களுடன் நிகழ்ச்சிகளில் பங்கேற்ற அதிகாரிகள், அ.தி.மு.க.வினர் கலக்கத்தில் உள்ளனர்.
