மணிப்பூர் சட்டசபை நம்பிக்கை ஓட்டெடுப்பில் பா.ஜ.க வெற்றி!

இம்பால்:

மணிப்பூரில் ஆளும் பா.ஜ.க கூட்டணி அரசுக்கு எதிராக காங்கிரஸ் கொண்டு வந்த நம்பிக்கை இல்லா தீர்மானத்தில் பா.ஜ.க வெற்றி பெற்றுள்ளது.

வடகிழக்கு மாநிலமான மணிப்பூரில் முதல்வர் பிரேன் சிங் தலைமையில் பா.ஜ.க கூட்டணி ஆட்சி நடக்கிறது. கடந்த, 2017ல் நடந்த சட்டசபை தேர்தலில் 21 இடங்களில் பா.ஜ.க வெற்றி பெற்றது. தேசிய மக்கள் கட்சி, நாகா மக்கள் கட்சி மற்றும் சுயேச்சைகளின் ஆதரவுடன் பா.ஜ.க கூட்டணி ஆட்சி அமைத்தது.

இவ்விலையில் கடந்த, ஜூன் 17ல், தேசிய மக்கள் கட்சியை சேர்ந்த நான்கு எம்.எல்.ஏ.,க்கள் மற்றும் திரிணமுல் காங்கிரஸ் மற்றும் சுயேச்சை எம்.எல்.ஏ.க்கள் தலா ஒருவர் ஆளும் பா.ஜ.க வுக்கு அளித்து வந்த ஆதரவை திடீரென விலக்கிக் கொண்டனர்.

அதேசயம், பா.ஜ.க வில் இருந்து மூன்று எம்.எல்.ஏ.,க்கள் காங்கிரஸில் இணைந்தனர்.

மணிப்பூர் சட்டசபை செயலாளர் ரமணிதேவி பா.ஜ.க சார்பில் முதல்வர் பிரேன் சிங் கொடுத்த தீர்மானத்தை ஏற்றுக் கொண்டு நம்பிக்கை ஓட்டெடுப்புக்கு நேற்று அழைப்பு விடுத்தார்.

நேற்று ஒரு நாள் கூடிய சட்டசபையில், நம்பிக்கை இல்லா தீர்மானத்தின் மீதான விவாதத்திற்கு பின்னர் நடத்தப்பட்ட ஓட்டெடுப்பில் காங்கிரஸ் எம்.எல்.ஏ.,க்கள் எட்டு பேர் கூட்டத்தை புறக்கணித்தனர்.பா.ஜ.க வுக்கு எதிராக 16 ஓட்டுக்கள் பதிவானது. பா.ஜ.க 28 ஓட்டுகள் பெற்று வெற்றி பெற்றது.